# Lehre und Wehre_St. Louis Missouri_Februar 1866_S46
# Machine transcription, uncorrected — CHI Digital Archive (demonstration)

46 ‚ Die deutsche Bibel vor Luther.

genennet dein sun, mach mich als einen von deinen arbeytern. Er stand auff
und kam zu seinem vater. Und noch, da er was ferr, sein vater sah ihn und
ward bewegt mit barmhertzigkeyt, er lieff und viel um seinen hals und kuesset
ihn. Und der sun (Bl. 504 b.) sprach zu im: Vater, ich hab gesuendet in
den hymel und vor dir, yetzund bin ich nit wirdig, das ich werd genennet dein
sun. Und der vater sprach zu seinen knechten: „Bringt her schyer das erst
gewand, und leget in an, und gebt ein vingerlein an sein hand und schuh an
die fuesse und bringet her ein faystes kalb und toedtes es, das wir essen und
wirtschafften, wann diser mein sun was tod und ist lebendig worden, und er
was verdorben (perierat) und ist funden“ und fingen an zu wirtschaf⸗
ten. Und der eltest sun was in dem acker, und da er kam und genahet dem
hausz, er hoeret den don und die stymm, und rueffet eim von den knechten,
und fragt, was diese ding weren. Und er sprach zu im: Dein bruder ist
kumen und dein vater hat nieder geschlagen ein faystes kalb, und hat in gne⸗
digklichen auffgenummen. Er erzuernet und wolt nit eingeen. Und sein
vater gieng aus, und er begund in zu bitten. Er antwurt und sprach zu
seim vater: „Sih als vil jar dient ich dir, und ueberging nie dein gebot, und
du gabst mir nie ein kitzlein, das ich het gewirtschafft mit meinen frewden
(frewnden), und seyt das diser dein sun ist kumen, der da hat verzeret sein
gut mit den gemaynen weyben, du hast im ab getoedet ein faystes kalb.“ Und
er sprach zu im: „Sun du bist zu allen zeyten mit mir, und alle meine ding
sind dein. Man mnest aber wirtschafften und freud haben, wan dein bruder
was tod, und is lebendig worden, und was verdorben und ist funden.“
Joh. 4, 1—29, Blatt 511 b.: Darumb, da jhesus erkannt, das die pha⸗
risäer hetten gehört, das jhesus macht mer junger denn johannes und taufft,
wie wol jhesus nichten taufft aber sein jungern, er liesz das land juden, und
gieng aber ab in galilea, und er must geen durch samariam. Darumb er
kam in die stat der samaritan, die da geheyssen sichar, bei dem aygen, das
jacob gab joseph seim sun, und es war daselbst der brunnen jacobs. Und jhe⸗
sus was mued von dem weg und sass auf den brunnen, und es was um dy
sechsten siund. Ein Weib kam von samaria zeschöpffen wasser. Ihesus sprach
zu ir: „Gib mir zetrinken,“ wann sein junger waren hingegangen in die
statt, das sy kaufften die speiss. Darumb das weib von samaria sprach zu
im: In welcher weisz ayscht du zetrinken von mir, so du bist ein jud, die ich
bin ein weib samaritan, wann die juden gemeinsamen nit mit den samari—
tanern. Ihesus antwurt und sprach zu ir: Westest du die gab gots
(Bl. 512 a) und wer der ist, der zu dir spricht, gib mir zetrinken, vielleicht
hettest du geayscht von im, und er het dir gegeben ein lebendiges wasser.
Das weyb sprach zu im: Herr, du hast nichts, dareyn du schöpffest und der
brunn ist tieff, darumb von wannen hast du das lebendig wasser? Bistu denn
mer denn unser vater jacob, der uns gab den brunnen, und er selb tranck von
im, und seine suen und sein vih. Ihesus antwurt und sprach zu ir: Ein
heglicher der da trinckt von disem wasser den durst aber, aber der da trinckt
von dem wasser, das ich im gib, den durst nit ewigklich, wann das wasser,